Cуд Наваполацку вырашыў канфіскаваць ноўтбук памерлага, якога збіраліся судзіць за абразы чыноўнікаў
Наваполацкі суд спыніў крымінальную справу, распачатую супраць мясцовага жыхара паводле артыкула 369 Крымінальнага кодэксу (абраза прадстаўніка ўлады) – праз тое, што падсудны памёр. Ён знаходзіўся пад падпіскай аб нявыездзе, але суду не дачакаўся. Тым не менш, суд пастанавіў канфіскаваць ноўтбук памерлага, з якога, паводле версіі абвінавачвання, былі пакінутыя абразлівыя каментары, адрасаваныя чыноўнікам.
Паводле следства, навапалачанін пакінуў тры каментары на адрас прадстаўнікоў улады ў Telegram, маючы свядомы намер іх абразіць. Каментары былі напісаны з узгадкамі дзвюх жанчын- чыноўніц і аднаго мужчыны. Згодна з высновамі лінгвістычнай экспертызы, выказванні ўтрымлівалі непрыстойныя і брыдскаслоўныя выразы, былі выкладзены ў грубай і лаянкавай форме, негатыўна ацэньвалі чыноўнікаў, прыніжаючы аўтарытэт, гонар і годнасць асобаў у сувязі з выкананнем імі службовых абавязкаў.
Сваякі памерлага падалі заявы аб згодзе са спыненнем вытворчасці па крымінальнай справе. Падчас следства ноўтбук і мабільны тэлефон абвінавачанага знаходзіліся пад арыштам. Суд спыніў справу ў сувязі са смерцю абвінавачанага, але вырашыў канфіскаваць ноўтбук памерлага, з якога, паводле версіі абвінавачвання, былі пакінутыя каментары. Мабільны тэлефон пастанавілі вярнуць спадчыннікам.
Палітвязня Андрэя Кузнечыка этапавалі ў Наваполацкую калонію
Подписывайтесь на нас в: Яндекс, Дзен, Google Новости, Telegram-канал, «секретный» Telegram-чат!