Дзве віцебскія сямейныя пары ўганараваны расейскім «шлюбным» медалём

Автор:
Опубликовано:
27
Декабрь
2022
Комментарии: нет комментариев
Рубрики: Авторы Витебск Политика


Медаль «За любовь и верность» заснаваны Фондам Святланы Мядзведзевай – жонкі былога прэзідэнта і прэм’ер міністра, а цяпер намесніка Старшыні Рады бяспекі РФ Дзмітрыя Мядзведзева. У цырымоніі ўганаравання, якую зладзілі ў Віцебскім гарадскім ЗАГСе, узяў удзел вядомы ў Віцебску прыхільнік «русского мира» Андрэй Герашчанка, які мае грамадскую пасаду старшыні Каардынацыйнай рады беларускіх грамадскіх аб’яднанняў суайчыннікаў пра Пасольстве Расейскай Федэрацыі ў Рэспубліцы Беларусь. Прасцей кажучы, асоба, якая свядома праводзіць антыбеларускую палітыку ў грамадскім жыцці Віцебска і ўсёй Беларусі.

Паводле фонду «Белая роза», якім кіруе Святлана Мядзведзева, медалём «За любовь и верность» уганароўваць пары суджонцаў, «зарегистрировавшие брак не менее 25 лет назад, получившие известность среди сограждан крепостью семейных устоев, основанных на взаимной любви и верности, а также добившиеся благополучия, обеспеченного совместным трудом, воспитавшие детей достойными членами общества».

Пра сем’і Сусалкаў і Бурлакаў шэраговыя віцябляне бадай што нічога не ведаюць, а з паведамлення гарадской газеты «Віцьбічы» вынікае хіба наступнае. Пётр і Антаніна Сусалкі разам ужо 61 год, маюць чатырох праўнукаў. Іван і Людміла Бурлакі зарэгістравалі шлюб 54 гады таму, галава сям’і – падпалкоўнік у адстаўцы. Вартыя ўвагі чытачоў падрабязнасці пра «моц сямейнага ладу», «дабрабыт, забяспечаны супольнай працай» і «выхаванне дзяцей годнымі грамадзянамі» чамусьці засталіся па-за газетнымі радкамі.

Медаль «За любовь и верность» – памятны, не прадугледжаны для нашэння на вопратцы. На ім з аднаго боку выбіты выявы Пятра і Феўроніі Мурамскіх – святых, якіх зазвычай згадваюць 8 ліпеня. Гэта «День семьи, любви і верности» у суседняй краіне, пра што сведчыць і надпіс на адваротным баку медаля, размешчаны вакол сімвалічнай выявы кветкі з пялёсткамі колераў расейскага сцяга.

Віцебскія пары атрымалі гэтую ўзнагароду на паўгода раней. Чаму – застаецца такім самым сакрэтам, як і падставы для ўганаравання. Але Андрэй Герашчанка паведаміў, што падобныя цырымоніі неўзабаве пройдуць і ў іншых беларускіх гарадах, а ўсяго ўганаруюць расейскім «шлюбным» медалём 22 беларускія сямейныя пары.

Эльвира Мирсалимова знает, как распознать «змагара» и измерить «русскость» в беларусах

Метки: , ,
Комментарии: