Глыбоцкія ўлады правялі гульню “Арляня” і пераапранулі дзяцей у ваенную форму

Автор:
Опубликовано:
17
Май
2023
Комментарии: нет комментариев
Рубрики: Витебская область Политика



У Беларусі пачалі адраджаць ваенізаваную камсамольскую гульню часоў Савецкага саюзу. Гульня «Арляня» — масавая ваенна-спартыўная гульня, у якой бралі ўдзел школьнікі 8—11 класаў, навучэнцы ПТВ і тэхнікумаў. Гэта аналаг піянерскай ваенна-спартыўнай гульні «Зарніца».

Спаборніцтвы першага Усесаюзнага фіналу камсамольскай ваенна-спартыўнай гульні «Арляня» адбыліся ў ліпені 1974 года ў сталіцы Мінску.

Як і «Зарніца», дадзеная ваенна-спартыўная гульня ўяўляла сабой імітацыю баявых дзеянняў, падобную на ваенныя вучэнні. У ходзе гульні ўдзельнікі спаборнічалі паміж сабой у сіле, спрыце, цягавітасці на спартыўных пляцоўках, у веданні тэорыі ваеннай справы, гісторыі Савецкай Арміі, змагаліся за перамогу ў ваенна-прыкладных відах спорту з гульнявымі элементамі, удзельнічалі ў аглядзе строю і песні, тактычных занятках на мясцовасці.

Гэтая ваенізаваная гульня спыніла сваё існаванне з распадам Савецкага Саюза. Але ў Беларусі яе вырашылі аднавіць і масава ўкараніць сярод школьніцтва яшчэ год таму.

На Глыбоччыне ў сярэдзіне мая прайшоў раённы этап гэтай гульні, у ёй удзельнічала 10 каманд са школ горада і раёна.

Школьнікі спаборнічалі ў пераадоленні паласы перашкод, ва ўзроўні медыцынскіх ведаў, удзельнічалі ў інтэлектуальным, а таксама конкурсах строю і песні, баявога лістка, прыгатавання ежы на вогнішчы, мастацкай самадзейнасці. А таксама праходзіў конкурс “Трапны стрэлак”.

Як бачна, улады Беларусі і надалей рыхтуюць моладзь да магчымых баявых дзеянняў, бо тэма вайны зараз стала ў краіне прыярытэтнай. Нават у яе ўмоўна прымушаюць гуляць маладое пакаленне – школьнікаў 8-11 класаў.

viciebskspring.org

Для обучающихся за рубежом белорусов отменили отсрочку от службы в армии

Метки: ,
Комментарии: