Міліцыянты зноўку «папярэджваюць» Таццяну Севярынец
Візіт участковага міліцыянта актывістка звязвае з тым, што сёння – Дзень Волі, і супрацоўнікі міліцыі імкнуцца перадухіліць масавыя акцыі. Таццяна Севярынец распавяла, што яе папярэдзілі пра адказнасць за ўдзел і арганізацыю несанкцыянаваных масавых выступаў – далі падпісаць афіцыйную паперу, што яна знаёмая са зместам адміністрацыйнага артыкула 24.23 КаАП (Парушэнне парадку арганізацыі масавых мерапрыемстваў).
Паводле Таццяны Севярынец, гэта ўжо 4-е ці нават 5-е папярэджанне пра адміністрацыйную і крымінальную адказнасць. Сённяшняе – яўна звязанае з тым, што віцебская міліцыя апасаецца масавых акцый да Дня Волі.
Прафілактычныя гутаркі і візіты міліцыянтаў з папярэджаннямі адбываюцца сёння па ўсёй Беларусі. Маюць месца і прэвентыўныя затрыманні. Актывістка звярнула ўвагу на тое, што ўжо некалькі дзён не адгукаецца на тэлефанаванні жыхар Віцебску Яўген Сцяпанаў. Ад пачатку вайны ва Украіне ён пісаў лісты ў розныя інстанцыі, каб дэпутаты і дзяржаўныя чыноўнікі паспрыялі спыненню расейскай агрэсіі. Адказаў па сутнасці ён не атрымаў, але ягоная актыўнасць магла справакаваць міліцыю на тое, каб затрымаць чалавека як «патэнцыйна небяспечнага» у сённяшніх умовах.
Апошні раз Яўген Сцяпанаў выходзіў на тэлефонную сувязь 22 сакавіка. Праваабаронцы спрабуюць высветліць ягонае месца знаходжання.
Таццяна Севярынец ініцыявала флэшмоб-апытанку да Дня роднай мовы
Подписывайтесь на нас в: Яндекс, Дзен, Google Новости, Telegram-канал, «секретный» Telegram-чат!
