Наваполацкім СМІ загада актывізавацца ў інфармацыйнай вайне

Міністр інфармацыі Ўладзімір Пярцоў наведаў рэдакцыі наваполацкага тэлевізійнага канала «Вектор ТВ» і газеты «Новополоцк сегодня». А таксама сустрэўся з прадстаўнікамі так званага «ідэалагічнага актыву» гораду, куды ўваходзяць кіраўнікі прадпрыемстваў і арганізацый, удзельнікі праўладных партыйных структур, прафсаюзаў і гд. Тэмай гутаркі стала абмеркаванне задачаў ідэолагаў і СМІ «у няпростых умовах ідэалагічнай вайны». Міністр інфармацыі падкрэсліў, што ўнутры краіны і за яе межамі ўтварылася складаная абстаноўка, і што работнікі «ідэалагічнага фронту» сёння павінны супрацьстаяць негатыўнаму парадку дня, які прасоўваюць апаненты ў адносінах да Беларусі».

З гэтай нагоды Уладзімір Пярцоў настойліва параіў кіраўнікам больш уважліва паставіцца да кадравага пытання ў рэдакцыях, дзе павінны працаваць правераныя людзі з выразнай грамадзянскай пазіцыяй. На думку міністра, адным з прыярытэтных кірункаў працы СМІ павінна быць развіццё інтэрнэт-журналістыкі і супрацьстаянне «уплыву дэструктыўных сацыяльных медыяў» на падлеткаў і ўвогуле на маладое пакаленне грамадзян Беларусі. Пры гэтым Пярцоў заўважыў, што пад уплыў экстрэмісцкіх медыя-рэсурсаў час ад часу трапляюць і журналісты дзяржаўных выданняў, што з’яўляецца недапушчальным.

Уладзімір Пярцоў распавёў таксама пра планы стварэння медыяхолдынгу Саюзнай дзяржавы, да працы ў якім плануюць прыцягваць і рэгіянальных журналістаў.

Паказальна, што за час пасля візіту міністра інфармацыі ў газеце «Новополоцк сегодня» не выйшла ніводнага артыкула хаця б з мінімальным адценнем крытыкі гарадскога жыцця. Сярод навінаў прэвалююць тэксты з паведамленнем пра дзейнасць дзяржаўных прафсаюзаў, поспехі ў эканоміцы і ідэалагічнае выхаванне.

“Чыноўнікі — пра дасягненні навукі, а народ ім у адказ — пра якасць дарог і водазабеспячэнне”

Подписывайтесь на нас в: Яндекс, Дзен, Google Новости, Telegram-канал, «секретный» Telegram-чат!