Навукоўцу Ігара Бортніка асудзілі яшчэ на 15 сутак
Гэта ўжо трэці арышт запар, прысуджаны Наваполацкім гарадскім судом, дагэтуль Ігар Бортнік ужо адбыў у няволі два арышты за адміністрацыйныя правапарушэнні (10 і 13 сутак). Атрымліваецца, што агулам кандыдат філасофскіх навук мае правесці за кратамі 38 сутак. Выносячы апошнюю пастанову, суд не ўлічыў, што мужчына мае праблемы са здароўем і некалькі дзён таму перанёс у зняволенні гіпертанічны крыз.
Апошні арышт на 15 сутак звязаны з тым, што ў мабітным тэлефоне Бортніка міліцыянты знайшлі падпіскі на тэлеканал «Белсат» і Symbal.by на Youtube. Суд прызнаў яго вінаватым за распаўсюд экстрэмісцкіх матэрыялаў паводле арт. 19.11 КаАП.
Ігара Бортніка ўтрымліваюць у наваполацкім Цэнтры ізаляцыі правапарушальнікаў. Вядома, што падчас адбыцця папярэдняга арышту яго на некалькі сутак вазілі ў віцебскі ІЧУ.
Навуковец быў затрыманы 29 сакавіка калі міліцыя цягам двух дзён ладзіла «хапун» у асяродку супрацоўнікаў Полацкага гісторыка-культурнага запаведніка. Было затрымана больш за 10 чалавек, ва ўсіх правялі ператрусы і забралі мабільныя тэлефоны.
Подписывайтесь на нас в: Яндекс, Дзен, Google Новости, Telegram-канал, «секретный» Telegram-чат!
