Паўтара гады зняволення – за абразу Лукашэнкі праз тэлефон

Жыхарка Наваполацка Настасся Савуляк патэлефанавала на «гарачую лінію» у міліцыю і выказалася на адрас Аляксандра Лукашэнкі – як палічылі эксперты, «у ненарматыўнай форме». Інцыдэнт здарыўся 26-га красавіка – праз колькі дзён, як жанчына адсвяткавала сваё 37-годдзе. Суд адбыўся толькі цяпер, Настассю Савуляк прызналі вінаватай паводле ч.1 артыкула 368 Крымінальнага Кодэксу.

Паводле следства, жанчына размаўляла з міліцыянтамі з тэлефона свайго грамадзянскага мужа. Як яна патлумачыла ў судзе, у той момант яна была ў нецвярозым стане. Гэта ўжо тыповая сітуацыя, калі пад уздзеяннем алкаголю людзі губляюць кантроль і выказваюцца пра тое, што набалела за апошнія гады. Прычым гэта не хранічныя алкаголікі, як імкнуцца прадставіць асуджаных у дзяржаўных СМІ, а звычайныя людзі, што паддаліся эмоцыям.

На думку абвінавачання, сваім учынкам Настасся Савуляк прынізіла аўтарытэт, гонар і годнасць Аляксандра Лукашэнкі. Суддзя наваполацкага суду Віталь Лапко прысудзіў жанчыне паўтара гады пазбаўлення волі ў калоніі агульнага рэжыму.

Паўла Вінаградава пасля месяца ў ШІЗА перавялі ў «спецыяльную палату» на паўгода

Подписывайтесь на нас в: Яндекс, Дзен, Google Новости, Telegram-канал, «секретный» Telegram-чат!