Па заяве пракурора заблакаваная старонка ў сацыяльнай сетцы віцябляніна Сяргея Сесіцкага
Па заяве пракурора Віцебскай вобласці 13 ліпеня старонка віцябляніна Сяргея Сесіцкага ў сацыяльнай сетке Фейсбук (https://www.facebook.com/sergey.sesitsky) прызнана экстрэмісцкімі матэрыяламі. Гэта чарговая спроба выдаліць інфармацыйны рэсурс Сяргея з публічнага абарота.
Яшчэ ў красавіку 2019 года Сяргея апыталі наконт зместу ягонай старонкі ў сацыяльнай сетцы “Фэйсбук” і забралі мабільны тэлефон. Тады прадстаўнік крымінальнага вышуку паведаміў мужчыне, што следчыя праводзяць праверку на наяўнасьць прапаганды экстрэмізму або распальваньня міжнацыянальнай варожасьці.
У жніўні 2017 года прыхільнікі “русского мира” спрабавалі скардзіцца на Сяргея ў Следчы камітэт Расейскай Фэдэрацыі, але вынікаў гэта ня мела.
У студзені таго ж года Сесіцкі заклікаў не дапусьціць у Віцебску канцэртаў выканаўцы турэмнага шансону Віктара Каліны, вядомага сваімі шавінісцкімі выказваньнямі пра беларусаў і беларускую мову, а таксама фатаграфаваньнем са зброяй на занятых сэпаратыстамі тэрыторыях Данецкай і Луганскай абласцей Украіны.
Яшчэ два Тэлеграм-каналы з Віцебшчыны прызнаныя экстрэмісцкімі, і абодва – лепельскія
Подписывайтесь на нас в: Яндекс, Дзен, Google Новости, Telegram-канал, «секретный» Telegram-чат!