Палітвязень Арцём Латышаў, асуджаны па справе «віцебскіх перфомансаў», падвяргаецца “ціску”
Арцёма, 1 чэрвеня, чацвёрты раз запар змясцілі ў штрафны ізалятар ВК-2 у Бабруйску. Да гэтага ён прабыў там 30 сутак, пасля чаго вярнуўся ў атрад. Перад апошнім памяшканнем у ШІЗА ад Латышава супрацоўнікі калоніі запатрабавалі прыбраць санвузел, тым самым паспрабаваўшы надаць яму «нізкі статус», аднак Латышаў адмовіўся. Гэта, верагодна, і прычынілася накіраванні ў штрафны ізалятар.
Арцём Латышаў — жыхар Віцебска, працаваў на кандытарскай фабрыцы «Віцьба». Затрыманы 8 верасня 2021 года за перформанс на магіле з выявай спадара Лукашэнкі, а таксама за псаванне банэраў з выявай супрацоўнікаў ДАІ.
Яму прад’явілі абвінавачанні па арт. 341 Крымінальнага кодэкса (Апаганенне збудаванняў) і ч. 2 арт. КК 339 (Хуліганства, учыненае групай асоб). Акрамя яго, у межах крымінальнай справы праходзілі яшчэ тры маладых жанчыны.
25 мая 2022 года суддзя суда Віцебскага раёна Міхаіл Зубеня прыгаварыў Латышава да 4 гадоў і 6 месяцаў пазбаўлення волі ў калоніі агульнага рэжыму. У верасні 2022 года палітвязня этапавалі ў бабруйскую калонію.
Подписывайтесь на нас в: Яндекс, Дзен, Google Новости, Telegram-канал, «секретный» Telegram-чат!
