Палітвязня Мікалая Статкевіча ўжо больш за месяц не выводзяць на свежае паветра
Адсутнасць прагулак адміністрацыя глыбоцкай калоніі ПК 13 тлумачыць рамонтам ва ўнутраным двары. Пра гэта зняволены палітык напісаў у лісце да жонкі, Марыны Адамовіч. Таксама ён паведаміў, што яго перавялі ў іншую камеру – «адзіночку», якая «на сантыметраў 7 шырэйшая і гэтага хапіла, каб прасунуцца паўз тумбачку да сценкі, супрацьлеглай дзвярам».
Мікалай Статкевіч піша, як ён бавіць час: «Паступова павялічваю нагрузкі падчас заняткаў фізкультурай. Днём у мяне тры «прагулкі» па камеры па 30-40 хвілін і адна вечарам на 20-30 хвілін. Падчас дзённых «прагулак» раблю фізічныя практыкаванні. З-за памераў камеры прыйшлося ўводзіць практыкаванні з «гантэляй», у якасці якой скарыстоўваю ПЭТ-бутэльку 1,5 літра. Праўда, з-за невялікай вагі мушу цягаць гэтую «гантэлю» па разоў 800 за дзень. І з часам прыйдзецца гэтую колькасць яшчэ павялічваць».
5 жніўня зняволенага апазіцыйнага палітыка на паўгода змясцілі ў адзіночную камеру. Адразу ж па прыбыцці ў глыбоцкую калонію ён напісаў заяву з просьбай перавесці яго ў «адзіночку», каб пазбегнуць канфліктных сітуацый з сукамернікамі і адміністрацыяй установы. Але атрымаў адмову – маўляў, ніякай пагрозы ні з боку суседзяў, ні з боку ахоўнікаў для яго няма. Таму ў адзіночную камеру ён трапіў толькі ў якасці пакарання, да гэтага ён мае абмежаванні ў спатканнях і пасылках з волі.
Палітвязень Мікалай Статкевіч асуджаны да 14-ці гадоў зняволення ў калоніі асаблівага рэжыму паводле ч. 1 арт. 293 Крымінальнага кодэксу (Арганізацыя масавых беспарадкаў).
Мікалаю Статкевічу, зняволенаму ў глыбоцкай калоніі, забаранілі наведваць казіно і выязджаць за мяжу
Подписывайтесь на нас в: Яндекс, Дзен, Google Новости, Telegram-канал, «секретный» Telegram-чат!
