Палітзняволеная Эма Сцепулёнак сустрэне Новы год у калоніі

Автор:
Опубликовано:
27
Декабрь
2022
Комментарии: нет комментариев
Рубрики: Витебская область Политика



З 16 снежня былая настаўніца беларускай мовы, а цяпер пенсіянерка, пачала адбываць тэрмін пакарання ў гомельскай жаночай калоніі № 4. У зняволенні ёй засталося правесці каля 4-х месяцаў. Эму Антонаўну абвінавацілі паводле двух артыкулаў Крымінальнага кодэкса: арт. 368 (Абраза Лукашэнкі) і арт. 369 (Абраза прадстаўніка ўлады). Суд прызначыў палітзняволенай 2 гады пазбаўлення волі ва ўмовах агульнага рэжыму. Працэс праходзіў па месцы жыхарства Эмы Сцепулёнак – у Мёрах. Тамсама яна была затрыманая 29 верасня 2021г. у межах крымінальнай справы, распачатай за каментары ў інтэрнэце пасля гібелі супрацоўніка КДБ Дзмітрыя Федасюка і ІТ-спецыяліста Андрэя Зельцара.

Першапачаткова Эма Антонаўна праходзіла па крымінальнай справе паводле арт. 369 Крымінальнага Кодэкса (Абраза прадстаўніка ўлады) і арт. 130 Крымінальнага Кодэкса (Распальванне сацыяльнай варожасці). Пазней апошні артыкул знялі, але дадалі арт. 368 (Абраза Лукашэнкі). З 11 снежня 2021 г. 69-гадовая жанчына знаходзілася ў віцебскім СІЗА-2. Паколькі яна не мае ўласнай сям’і, ёй апекавалася віцебская грамадскасць: незнаёмыя людзі рыхтавалі для яе перадачы, дасылалі лісты і паштоўкі.

За кратамі ў Эмы Сцепулёнак пачаліся праблемы са здароўем, таму ў верасні 2022 г. палітзняволенай змянілі меру стрымання: перавялі пад хатні арышт. 10 лістапада 2022 г. у судзе Мёрскага раёна ў закрытым рэжыме над ёй распачаўся судовы працэс. Прысуд быў абвешчаны 17 лістапада, і Эму Антонаўну ўзялі пад варту ў зале суда. Спачатку жанчыну змясцілі ў віцебскі СІЗА-2, а 9 снежня 2022 г. імя Эмы Сцепулёнак было ўключана ў Пералік грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці.

10 дзён таму палітзняволеную перавялі ў жаночую калонію, і за кратамі яна сустрэне ўжо другі Новы год. Яе можна падтрымаць лістамі, накіраваўшы іх на адрас: 246035, г. Гомель, вул. Антошкіна, 3, ПК-4. Сцепулёнак Эме Антонаўне.

Скоро начнется суд над политзаключенной Эммой Степулёнок

Метки: ,
Комментарии: