Праваабаронцы шукаюць сваякоў затрыманага ГУБАЗіК дырэктара сэрвіснага цэнтру ў Віцебску

На 39-гадовага жыхара абласного цэнтру выйшлі аператыўнікі ГУБАЗіК. На думку супрацоўнікаў гэтага ведамства, мужчына цягам году публікаваў у телеграм-чатах абразлівыя каментары на адрас праваахоўнікаў і вайскоўцаў, пры гэтым, маўляў, ні з кім з іх не быў знаёмы. Праваабаронцы просяць адгукнуцца сваякоў затрыманага ці тых, хто ведае, як з імі звязацца.

У парушэнні устаноўленых законам правілаў вядзення следства, міліцыя выставіла ў інтэрнэце прапагандысцкі ролік, дзе затрыманы агаворвае сябе і пацвярджае версію злачынства органа, які вядзе крымінальная расследаванне.

Як сцвярджаюць у ГУБАЗіКу, мужчына з’яўляўся ўдзельнікам леташніх пратэставых акцый у Віцебску, быў зарэгістраваны на каналах і ў чатах пратэставай накіраванасці. Заклікаў спальваць транспартныя сродкі супрацоўнікаў міліцыі. Пры ператрусе ў яго выяўленая беларуская нацыянальная сімволіка.

Зараз віцябляніна вінавацяць паводле распачатай раней крымінальнай справе па арт. 369 КК РБ па факце публічнай абразы прадстаўніка ўлады ў сувязі з выкананнем ім службовых абавязкаў, яму пагражае да трох гадоў пазбаўлення волі.

Для аказання прававой дапамогі, праваабаронцы просяць напісаць на пошту сайтe «Віцебская вясна» ці паведамленнем у Facebook тых, хто дакладна ведае асабістыя дадзеныя абвінавачанага, піша vitebskspring.org.

Супраць былога палітвязня Сяргея Каваленкі распачалі крымінальную справу

Подписывайтесь на нас в: Яндекс, Дзен, Google Новости, Telegram-канал, «секретный» Telegram-чат!