Расійскі суд працягнуў арышт беларускай актывістцы Яне Пінчук
Суд Санкт-Пецярбурга падоўжыў на тры месяцы ўтрыманне ў СІЗА Яны Пінчук, якую хочуць выдаць уладам Беларусі з-за абвінавачання ў вядзенні апазіцыйнага Telegram-канала.
Васілевостраўскі раённы суд Санкт-Пецярбурга, 29 ліпеня, працягнуў на тры месяцы арышт 25-гадовай жыхаркі Віцебска Яны Пінчук. На працягу ўтрымання дзяўчыны ў СІЗА настойвала пракуратура, бо гэта неабходна «для ўзгаднення месца і часу перадачы яе кампетэнтным органам Рэспублікі Беларусь».
Раней расейскі суд пакінуў у сіле рашэнне аб экстрадыцыі Пінчук у Беларусь, дзе яе абвінавачваюць у адміністраванні TК «Віцебск 97%», які беларускі суд прызнаў «экстрэмісцкім».
Дзяўчыну затрымалі ў Расіі восенню 2021 года па запыце Беларусі, з лістапада яна знаходзіцца ў СІЗА і некалькі разоў скардзілася на ўмовы ўтрымання. Віну яна не прызнала. Адвакаты спрабавалі абскардзіць пастанову Генеральнай пракуратуры РФ аб экстрадыцыі Пінчук, а Камітэт па правах чалавека ААН выказваў пярэчанні ў сувязі з гэтым рашэннем, але расейскі суд пакінуў яго ў сіле.
Расійскі суд пастанавіў выправадзіць палітвязня Яну Пінчук у Віцебск
Подписывайтесь на нас в: Яндекс, Дзен, Google Новости, Telegram-канал, «секретный» Telegram-чат!