Ратуша запрашае на “Святочны кірмаш”
На кірмашы можна будзе набыць сувеніры і падарункі да Калядаў і сустрэчы Новага году, а таксама прадукцыю фермерскіх гаспадарак да святочнага стала.
Удзел у кірмашовым гандлі плануюць узяць народныя майстры з усёй вобласці, якія прывязуць у Віцебск свае вырабы з дрэва і керамікі, самаробныя лялькі, інтэр’ерныя ўпрыгожванні, адзенне і шмат чаго яшчэ.
Пазнаёміцца з майстрамі і іх працамі можна і загадзя: цягам апошніх тыдняў на старонцы Ратуша музейная ў Фэйсбуку размяшчаліся аповеды пра ўдзельнікаў кірмаша і профіль іхнай дзейнасці.
Зрэшты, арганізатары абяцаюць не толькі магчымасць нешта набыць для сябе ці сяброў, але і добры настрой, і гарачую гарбату.
Кірмаш будзе працаваць з 23 снежня па 7 студзеня (апрача 31 снежня і 1 студзеня). Наведнікаў чакаюць з 11.00 да 19.00. Уваход у ратушу з боку вуліцы Леніна.
Подписывайтесь на нас в: Яндекс, Дзен, Google Новости, Telegram-канал, «секретный» Telegram-чат!