Сімвал Новага года вырабляюць у Обалі
На Обальскім керамічным заводзе выпускаюць не толькі цэглу. Тут ёсць участак керамікі, дзе працуюць майстры мастацкіх вырабаў. І штогод адзін з накірункаў працы – гэта навагоднія сувеніры. Іх звычайна пачынаюць вырабляць прыкладна за два месяцы да Калядаў і Новага года, каб сувеніры трапілі ў продаж.
Вось і сёлета ў заводскай краме, якая працуе штодня, апроч выходных, можна набыць керамічных трусікаў, якія будуць сімвалам новага 2023 года. Эскізы ўсёй сувенірнай прадукцыі майстры прыдумляюць самі, таму пакупнік ніколі не знойдзе два абсалютна аднолькавыя сувеніры – кожны выраб абсалютна арыгінальны. І попыт на навагоднюю прадукцыю з Обалі ёсць, бо кожны сувенір – гэта практычна твор мастацтва.
Подписывайтесь на нас в: Яндекс, Дзен, Google Новости, Telegram-канал, «секретный» Telegram-чат!
