Суды Віцебскай вобласці прызналі амаль 100 электронных СМІ “экстрэмісцкімі”
За 12 месяцаў 2022 года судамі Віцебскай вобласці былі прызнаны 99 інфармацыйных рэсурсаў, якія на думку ўладаў распаўсюджваюць экстрэмісцкія матэрыялы. За гэты час у рэпрэсіях супраць свабоды распаўсюджвання інфармацыі ў сетцы Інтэрнэт прынялі ўдзел суддзі 22 раённых судоў рэгіёна. У параўнанні з 2021 годам, колькасць матэрыялаў прызнаных экстрэмісцкімі засталіся на адным і тым жа ўзроўні.
Так, суд Кастрычніцкага раёну Віцебска прыняў 17 рашэнняў, суд Чыгуначнага раёну вынес 11 рашэнняў, а суддзі суду Першамайскага раёну зрабіў гэта тры разы. Агулам, гарадскія суды прызналі “экстрэмісцкімі” 48 інфармацыйных крыніц.
Калі казаць пра раённыя суды Віцебскай вобласці, якія прынялі 51 рашэння у дачыненні да 53 ТК.
Суд Полацкага раёна прызнаў экстрэмісцкімі матэрыяламі на 8 рэсурсах, г. Новаполацка — 4, а суды, Чашніцкага, Лепельскага, Аршанскага, Ушацкага і Гарадоцкага раёнаў на трох.
Па два рэсурса празвналі “небяспечнымі” суды Расонскага, Ліёзненскага, Талачынскага, Сенінскага, Верхнедзвінскага, Ушацкага, Міёрскага, Шаркоўшчынкага, Шумілінскага, Докшыцкага раёнаў. Суды Дубровенскага, Віцебскага, Браслаўскага і Глыбоцкага раёнаў – па адным.
Ва ўсіх выпадках суды скарысталіся правам неадкладнага выканання сваіх рашэнняў, паколькі, на думку суддзяў, прамаруджванне ў выкананні рашэння можа прывесці да значнай шкоды для дзяржавы або зрабіць немагчымым самое выкананне.
Ініцыятарамі прыняцця судамі рашэнняў па прызнанні матэрыялаў экстрэмісцкімі былі 7 упраўленне (па Віцебскай вобласці) ГУБАЗіК Міністэрства ўнутраных спраў Рэспублікі Беларусь або органы пракуратуры.
Подписывайтесь на нас в: Яндекс, Дзен, Google Новости, Telegram-канал, «секретный» Telegram-чат!
