Супярэчлівая статыстыка Віцебскай вобласці: вытворчасць падае, а грошай у бюджэт паступае больш
Вытворчасць прамысловай прадукцыі на Віцебшчыне ў студзені — жніўні 2022 года ўпала на 6,3% у параўнанні з тым жа перыядам у 2021 годзе. Адпаведна: валавы рэгіянальны прадукт паменшыўся на 2,7%, спажывецкія кошты падскочылі на 15,5%, падатковыя паступленні дадалі 12,8%. Пра гэта паведамляе Галоўнае статыстычнае ўпраўленне Віцебскай вобласці.
У студзені-жніўні 2022 г. аб’ём прамысловай вытворчасці ў бягучых цэнах склаў 13 428,9 млн. рублёў, ці ў супастаўных цэнах 93,7% да ўзроўню студзеня-жніўня 2021 года, у тым ліку па відах эканамічнай дзейнасці: «Горназдабыўная прамысловасць »- 82,1%, «Апрацоўчая прамысловасць» — 92%, «Забеспячэнне электраэнергіяй, газам, парай, гарачай вадой і кандыцыянаваным паветрам» — 100%, «Водазабеспячэнне; збор, апрацоўка і выдаленне адходаў, дзейнасць па ліквідацыі забруджванняў» — 98,1%.
Аб валавым рэгіянальным прадукце інфармацыя наступная. Першая ацэнка валавога рэгіянальнага прадукта за студзень — жнівень 2022 г. змрочная. Аб’ём ВРП у бягучых цэнах склаў 10 448,6 млн. рублёў, або ў супастаўных цэнах 97,3% да ўзроўню студзеня-жніўня 2021 года.
Падатковыя паступленні ў мясцовы бюджэт Віцебскай вобласці за студзень — жнівень павялічыліся ў дзеючых цэнах амаль на Br146 млн. У параўнанні з аналагічным перыядам 2021 года тэмп росту на ўзроўні 112,8 працэнта.
Будаўніцтва моста праз раку Дрыса ў Верхнядзвінску нягледзячы на санкцыі працягваецца
Подписывайтесь на нас в: Яндекс, Дзен, Google Новости, Telegram-канал, «секретный» Telegram-чат!
