Сям’я з Бегомля стварыла «Габлюшку»
Майстэрня з назвай “Габлюшка” належыць сям’і Лапшыных. Барыс Лапшын рэжа па дрэве куфэркі, сурвэтніцы, чайныя домікі, ключніцы, вазы, календары, падсвечнікі, кулічніцы, вешалкі для прыхватак, падстаўкі пад мабільныя тэлефоны. Таццяна займаецца дэкупажам: шукае ў крамах папяровыя трохслойныя сурвэткі з арыгінальным малюнкам, а калі не можа знайсці патрэбнае, стварае карцінкі ўласнаручна.
У майстроў няма аднолькавых вырабаў – кожная рэч унікальная калі не па форме, то па афармленні дакладна. Таму, набываючы штосьці ў спадарства Лапшыных, можна быць упэўненым: такой рэчы не сустрэнеш больш нідзе. Барыс і Таццяна Лапшыны адзначыліся на фестывалі творчасці «Бягомльшчына родная, музычная, народная» тым, што вельмі прыдзірліва падбіраюць матэрыял для сваіх вырабаў, а ствараюцца сапраўдныя творы мастацтва у сямейнай майстэрні.
Убачыць і набыць работы бягомльскіх майстроў можна праз Instagram, а таксама ў краме “Лавка ремесел”, што адкрылася нядаўна ў Докшыцах.
Подписывайтесь на нас в: Яндекс, Дзен, Google Новости, Telegram-канал, «секретный» Telegram-чат!