Тэлеграм-каналы «Орша 97%» і «Новополоцк и Полоцк 97%» прызнаны экстрэмісцкімі фарміраваннямі
Рашэнне пра гэта прынята МУС 16 чэрвеня 2022г. У ім гаворыцца, што абодва тэлеграм-каналы аб’ядноўваюць «групы грамадзянаў, якія ажыццяўляюць экстрэмісцкую дзейнасць». Цяпер Тэлеграм-каналы «Орша 97%» і «Новополоцк и Полоцк 97%» уключаны ў афіцыйны Пералік арганізацый, фарміраванняў, індывідуальных прадпрымальнікаў, датычных да экстрэмісцкай дзейнасці.
Сёлета згаданыя вышэй тэлеграм-каналы былі прызнаныя і «экстрэмісцкай інфармацыйнай прадукцыяй» і трапілі ў спіс экстрэмісцкіх матэрыялаў. Адпаведныя рашэнні былі прынятыя 27 красавіка судом Чыгуначнага раёну Віцебску. Грамадзянам, якія зробяць рэпосты з Тэлеграм-каналаў «Орша 97%» і «Новополоцк и Полоцк 97%», пагражае судовы пераслед за распаўсюд інфармацыйнай прадукцыі паводле адміністрацыйнага артыкула 19.11. Сама па сабе падпіска на «экстрэмісцкі» тэлеграм-канал не павінна расцэньвацца як памкненне да распаўсюду інфармацыйнай прадукцыі, але праваабаронцы фіксавалі выпадкі, калі людзей каралі за падпсіку на экстрэмісцкія інтэрнэт-рэсурсы, адзначае юрыст Павел Сапелка.
У Віцебску суд прызнаў экстрэмісцкімі 4 тэлеграм-каналы. Сярод іх – канал Арцёма Шрайбмана
Подписывайтесь на нас в: Яндекс, Дзен, Google Новости, Telegram-канал, «секретный» Telegram-чат!
