У Полацку на 7,5 гадоў асудзілі рэдактара тэлеграм-канала «Полацк краіна для жыцця чат»
Суд Полацкага раёна прысудзіў 52-гадовага ўраджэнца Полацка, які працаваў кіроўцам аўтобуса ў Польшчы да 7,5 гадоў пазбаўлення волі. Асуджанаму ставілі ў віну стварэнне і кіраўніцтва экстрэмісцкім фарміраваннем, а таксама дзеянні, накіраваныя на ўзбуджэнне сацыяльнай варожасці і навучанне асоб для ўдзелу ў масавых беспарадках. Тым не менш пасля асуджэння рэдактара ТК працягвае распаўсюджваць інфармацыю і мае 770 падпісчыкаў.
Суд паверыў боку абвінавачання ў тым, што палачанін знаходзячыся на тэрыторыі Польшчы, стварыў тэлеграм-канал «Полацк краіна для жыцця чат» (пасля яго назва некалькі разоў). На яго старонках ён размяшчаў інструкцыі па арганізацыі і ажыццяўленні масавых беспарадкаў, падбухторваў грамадзян да хуліганскіх дзеянняў па матывах палітычнай варожасці, публікаваў заклікі да ажыццяўлення экстрэмісцкай дзейнасці. Таксама там неаднаразова публікаваліся заклікі да гвалтоўных дзеянняў у дачыненні да супрацоўнікаў міліцыі.
На канале размяшчаліся навучальныя відэа, як супрацьдзейнічаць работнікам праваахоўных органаў, і іншая дэструктыўная інфармацыя.
Следчыя органы сцвярджаюць, што стваральнік канала «Полацак краіна для жыцця чат» сам ажыццяўляў яго адміністраванне і перыядычна дадаваў новых адміністратараў, сярод якіх былі і апазіцыйныя актывісты Полацка і Наваполацка.
Расейскія ўлады далі дазвол на выдачу палітзняволенай жыхаркі Віцебска
Подписывайтесь на нас в: Яндекс, Дзен, Google Новости, Telegram-канал, «секретный» Telegram-чат!
