У Полацку затрыманы грамадскі актывіст Генадзь Берданеў

Автор:
Опубликовано:
11
Ноябрь
2022
Комментарии: нет комментариев
Рубрики: Авторы Витебская область Политика


Даўней ён быў адным з лідараў прадпрымальніцкага руху, і хаця памяняў профіль дзейнасці, па-ранейшаму цікавіцца навінамі ў гэтай сферы і мае шмат знаёмых. Калі ў Полацку 26 кастрычніка сілавікі прыйшлі з ператрусам да прадпрымальніцы Таццяны Шостак, былы калега якраз быў у яе ў гасцях. Міліцыянты заявілі, што з кватэры Шостак знікла сім-карта, і прыйшлі ўжо да Берданевых.

Жонку Генадзя супрацоўнікі міліцыі забралі з працы і прывезлі дахаты, каб правесці ператрус. Праз кароткі час дадому вярнуўся гаспадар і абурыўся падазрэннямі, якія супраць яго высунулі. У Полацкі ГАУС забралі абодвух, але жонку пазней адпусцілі, а Генадзь Берданеў застаецца за кратамі. Пакуль суду над ім не было, і ў чым яго вінавацяць, яшчэ не вядома.

Прадпрымальніцу Таццяну Шостак асудзілі на 30 сутак арышту, па якім артыкуле, таксама застаецца невядомым. Падчас ператрусу міліцыянты канфіскавалі ў яе ўсе дакументы з калектыўным зваротам ад прадпрымальнікаў, які яна планавала перадаць старшыні Наваполацкага райвыканкаму Дзмітрыю Дзямідаву, а таксама асабісты тэлефон жанчыны.

Генадзь Берданеў не першы раз трапляе за краты праз неабыякавасць да праблем прадпрымальнікаў рэгіёну. Яго затрымлівалі за падтрымку прадпрымальніцкіх пратэстаў і ў 2015-м, і ў 2017-м годзе, прычым тым разам яго вінавацілі за абразу Аляксандра Лукашэнкі. Аднак справу спынілі за недаказанасцю. У верасні 2020-го году Берданева спярша асудзілі да штрафу, а потым, у лістападзе, ужо пакаралі арыштам на 7 сутак па адным і тым самым адміністрацыйным артыкуле – «за удзел у несанкцыянаваным мерапрыемстве». У верасні 2021-га году суд Полацку і Полацкага раёну пакараў Берданева 10-цю суткамі адміністрацыйнага арышту за рэпосты ў сацсетцы «Аднакласнікі» матэрыялаў з так званых «экстрэмісцкіх сайтаў».

Полацкі суд арыштаваў прадпрымальніцу на 30 сутак, за спробу перадаць калектыўны зварот мясцовым уладам

Метки: , ,
Комментарии: