У Віцебскай вобласці за пяць дзён датэрміновага галасавання прагаласавала больш за трэць мільёна выбаршчыкаў
Згодна з афіцыйнымі звесткамі ўладаў, за 20-24 лютага на 687 выбарчых участках у Віцебскай вобласці прагаласавала 377,77 тыс. чалавек або — 41,71% ад 857,97 тыс. выбаршчыкаў, якія пражываюць у рэгіёне. За пяць дзён датэрміновага галасавання сябры ўчастковых выбарчых камісій выдалі 966 тыс. бюлетэняў для галасавання.
Так, на ўчастку для галасавання № 19 Чыгуначнага раёна Віцебска ўжо прагаласавала больш за 2600 чалавек ці 40 працэнтаў ад спіскавай колькасці выбаршчыкаў. Т.б. заяўленая ўладамі колькасць прагаласаваўшых пад час датэрміновага галасавання, хутчэй усяго, мае месца быць.
У дзень асноўнага галасавання, 25 лютага, члены камісіі, у якой працуюць 16 чалавек, збіраюцца выехаць з бюлетэнямі і урнай для галасавання на дом для забеспячэння галасавання больш як 50 жыхарам горада.
Таксама на гэтым участку будуць галасаваць грамадзяне Расійскай федэрацыі, колькасць гэтай групы галасуючых кіраўніцтва не дало агалоскі.
Для тых, хто ўпершыню галасуе, а на гэтым участку такіх налічылі 26 чалавек, у камісіі падрыхтаваны падарункавыя кнігі — Канстытуцыі Рэспублікі Беларусь.
У Паставах прыйшоў галасаваць датэрмінова кіраўнік раёна разам з малалетнім сынам
Подписывайтесь на нас в: Яндекс, Дзен, Google Новости, Telegram-канал, «секретный» Telegram-чат!
