У Віцебску адбылося пасвячэнне касцёла Святога Ігнацыя Лаёлы
Сёння ў новым віцебскім мікрараёне Білева на перакрыжаванні вуліц Генерала Іваноўскага і Баграмяна адбылася кансэкрацыя (пасвячэнне) касцёла святога Ігнацыя Лаёлы.
Парафія існуе з 2005 года, аднак літургіі даводзілася праводзіць у прыстасаваным памяшканні, таму размова пра будаўніцтва бажніцы ішла даўно.
Урачыстую імшу асвяціў біскуп Віцебскі Алег Буткевіч.
Архітэктурныя формы касцёла маюць досыць нязвыклы для католікаў сучасны стыль, аднак такім чынам ён больш арганічна ўпішацца ў навакольныя жылыя новабуды. Да таго ж гэта значна скараціла тэрміны яго ўзвядзення. Акрамя малітоўнай часткі святыня мае класы і залы для рэлігійных заняткаў. Варта адзначыць, што яна была збудавана за кошт сродкаў ахвярадаўцаў.
Верыцца, што новы раён стане прытулкам духоўнасці ў нашым старажытным горадзе.
https://vkurier.info/kostel-svyatogo-antoniya-paduanskogo-na-ratushnoj-ploshhadi-v-vitebske-budut-stroit-za-schet-sponsorov/
Подписывайтесь на нас в: Яндекс, Дзен, Google Новости, Telegram-канал, «секретный» Telegram-чат!
