У Віцебску з будынку знялі Пагоню. Улады кажуць — для рэстаўрацыі
У Віцебску 4 студзеня з будынку з надпісам «Квітней, родная Віцебшчына» дэмантавалі герб Віцебскай вобласці – Пагоню. Працэс дэмантажу герба зафіксаваў віцебскі фатограф Павел Максімаў, а здымкі размясціў на сваёй старонцы ў Facebook. Як паведамілі журналістам у Віцебскім гарвыканкаме, тое, што з будынку ў цэнтры гораду дэмантавалі герб, не мае ніякага палітычнага падтэксту.
«Яго забралі на рамонт: герб ці то пагнулі, ці то нешта такое з ім здарылася. Недзе з тыдзень будуць яго аднаўляць», – патлумачылі чыноўнікі выданню «Наша Ніва».
Выява Пагоні была зацверджаная ў якасці гербу Віцебскай вобласці 2 чэрвеня 2009 года. У тым жа годзе на будынку № 14 на вуліцы Гогаля, размешчаным непадалёк ад абласнога выканкаму, усталявалі светлавы надпіс «Квітней, родная Віцебшчына!», перад якім замацавалі і герб вобласці.
Лукашэнка звольніў 5 суддзяў у Віцебскай вобласці, некаторых – падвысіў
Подписывайтесь на нас в: Яндекс, Дзен, Google Новости, Telegram-канал, «секретный» Telegram-чат!
