Улады за каментары ў сацсетках на два гады пазбавілі волі жыхарку Новаполацка
Суддзя суду Наваполацка Сняжана Калінічэнка, 30 траўня вынесла прысуд мясцовай жыхарцы Кацярыне Леў. Улады вінавацілі яе ў абразе прадстаўнікоў улады паводле арт. 369 Крымінальнага кодэкса. За гэта суд пакараў жанчыну пазбаўленнем волі тэрмінам на два гады і штрафам ў 3 700 рублёў. У чаканні суда Кацярына правяла 4 месяцы ў Віцебскім абласным ізалятары.
У судовым працэсе абражанымі прадстаўнікамі ўлады выступілі намеснік начальніка УУС Мінскага аблвыканкама Віталь Казлоў, кіраўнік адміністрацыі Ленінскага раёна Мінска Раман Мельнік, а таксама першы намеснік начальніка ГУУС Мінгарвыканкама Ігар Падвойскі.
Гэтая тройца трапіла ў скандал, калі ў лютым 2022 года «Кіберпартызаны» апублікавалі зліў іх размовы з верасня 2020 года. Тэлефонная гутарка Падвойскага, Мельніка і Казлова стала доказам таго, што міліцыя паказвае суддзям, якія рашэнні выносіць удзельнікам мірных пратэстаў.
Пасля апублікавання роліка з запісам у тэлеграм-канале “Кіберслівы», пад ім пакінулі водгукі больш за два дзясяткі чалавек, сярод якіх апынулася і асуджаная Леў.
Улады арыштавалі жыхара Новалукомля за фатаграфію на фоне «Жывемабіля»
Подписывайтесь на нас в: Яндекс, Дзен, Google Новости, Telegram-канал, «секретный» Telegram-чат!
