Віцебскі арт-менеджэр Уладзімір Булаўскі выйдзе на волю 1 студзеня
Ён быў затрыманы 14 снежня па невядомай прычыне. Цяпер ягоныя сябры даведаліся, што 16 студзеня Уладзімір Булаўскі асуджаны да 15 сутак арышту. Есць верагоднасць, што яго звінавацілі паводле артыкула 19.11 за распаўсюд экстрэмісцкіх матэрыялаў. Прынамсі, такое самае абвінавачанне было высунута супраць затрыманых з ім у адзін дзень заснавальнікаў гастрапаба ROK’I PUB Іллі Кульмана і Паўла Пятруніна, а таксама сталага наведніка Дзмітрыя Ларкова. Апошнія трое ўжо на волі.
Уладзімір Булаўскі, вядомы ў Віцебску арганізатар выступаў беларускіх выканаўцаў і гуртоў, мае выйсці з-пад арышту ў першы дзень 2023г. З улікам апошняга інцыдэнту, у 2022г. яго тройчы судзілі па адміністрацыйных артыкулах – у снежні (вырак – 15 сутак арышту), у ліпені (30 сутак арышту паводле арт. 24.23 КаАП), і ў лютым (15 сутак арышту паводле арт. 24.23 КаАП)
Да гэтага арт-менеджар Булаўскі таксама быў прыцягнуты да адміністрацыйнай адказнасці па так званых «народных» артыкулах. У 2020-м годзе ён быў асуджаны да 8-мі сутак арышту за парушэнні заканадаўства аб масавых мерапрыемствах (былы арт. 23.34 КаАП). У лістападзе 2021 года яго пакаралі арыштам на 7 сутак за распаўсюд «экстрэмісцкіх» матэрыялаў па арт. 19.11 КаАП.
«Паліто Булаўскага зноў у шафе». Затрымалі віцебскага арт-менеджара
Подписывайтесь на нас в: Яндекс, Дзен, Google Новости, Telegram-канал, «секретный» Telegram-чат!
