Віцебскія ўлады працягваюць «зачыстку» некамерцыйных грамадскіх арганізацый
За тры гады былі гвалтоўна зачыненыя 83 арганізацыі, якія служылі асновай грамадзянскай супольнасці ў Віцебскім рэгіёне. Гэты працэс працягваецца. У кастрычніку 2023 года Віцебскі абласны суд прыме рашэнне аб ліквідацыі трох грамадскіх аб’яднанняў.
У пачатку кастрычніка суд разгледзіць пазоў юстыцыі па ліквідацыі ГА «Віцебская абласная федэрацыя кікбоксінга і тайландскага бокса», а таксама яшчэ адной спартыўнай грамадскай арганізацыі — «Хакейны клуб «Паўночная Зорка».
Па зыску Міністэрства юстыцыі абласны суд разгледзіць ліквідацыю ГА Міжнародная грамадская арганізацыя па рэабілітацыі падлеткаў, інвалідаў і пажылых людзей «Алмаз», якая была зарэгістраваная ў Віцебску ў 2000 годзе.
Пакуль застаецца невядомым лёс ГА “Спартыўнага грамадскага аб’яднання “Тыгр”, дзе полацкія дзеці і дарослыя займаюцца барацьбой тхэквандо. На гэты момант арганізацыя лічыцца дзейнай.
Першая спроба закрыцця клуба ўлады распачалі 3 мая бягучага года, і яна была няўдалай для чыноўнікаў з Упраўлення юстыцыі Віцебскага аблвыканкама. Другую спробу здзейсніла суддзя Віцебскага абласнога суда Наталля Лях 22 жніўня, і павінна была прыняць канчатковае рашэнне аб ліквідацыі СК «Тыгр».
Апублікаваны праект зменаў у законы «Аб грамадскіх аб’яднаннях» і «Аб палітычных партыях»
Подписывайтесь на нас в: Яндекс, Дзен, Google Новости, Telegram-канал, «секретный» Telegram-чат!
