Вольгу Брыцікаву перавялі ў віцебскі СІЗА-2

Автор:
Опубликовано:
22
Ноябрь
2022
Комментарии: нет комментариев
Рубрики: Витебская область Политика


Старшыня незалежнага прафсаюзу на ААТ «Нафтан» адбывала другі запар адміністрацыйны арышт у Наваполацкім ЦІПе. Практыка пераводзіць арыштаваных з Полацку і Наваполацку ў Віцебск існуе ўжо даўно – гэта робіцца для таго, каб абцяжарыць родных і блізкіх праблемай перадач і падтрымкі. Віцебскі ізалятар часовага ўтрымання цяпер месціцца на тэрыторыі СІЗА-2, і ў выпадку з Вольгай Брыцікавай пакуль не высветлена прычына пераводу: або яе перавялі ў віцебскі ІЧУ, каб дабыць тэрмін арышту, або яна трапіла непасрэдна ў следчы изалятар, бо супраць яе маглі распачаць крымінальную справу.

Вольгу Брыцікаву затрымалі 1 лістапада. На трэці дзень знаходжання за кратамі яе асудзілі за распаўсюд экстрэмісцкіх матэрыялаў (арт. 19.11 КаАП) да арышту на 15 сутак. 11 лістапада, падчас знаходжання ў наваполацкім Цэнтры ізаляцыі правапарушальнікаў над Вольгай адбыўся другі суд – за несанкцыянаванае пікетаванне (арт. 19.11 КаАП). Падставай для пратакола стаў малюнак «Не вайне» на яе старонцы ў Фэйсбуку, за які яна ўжо адбыла арышт некалькі месяцаў таму. Але суддзя Зінаіда Балаболава зноў прызнала Вольгу Брыцікаву вінаватай і прысудзілі яшчэ 15 сутак арышту.

Такім чынам, сёлета жанчына адбывае ўжо сёмы арышт: увесну гэтага году яна правяла за кратамі 75 сутак без перапынку, бо была асуджана 5 разоў запар.

8 лістапада праваабаронцы даведаліся, што Вольга Брыцікава абвясціла галадоўку за кратамі. Але не вядома, ці трымае жанчына галадоўку дагэтуль. Не вядомыя і прычыны пераводу ў Віцебск, версію пра крымінальную справу пакуль не ўдаецца ні пацвердзіць, ні аспрэчыць.

Вользе Брыцікавай накінулі новы арышт. Да таго яна абвесціла галадоўку

Метки: , ,
Комментарии: