Вользе Брыцікавай накінулі новы арышт. Да таго яна абвесціла галадоўку

Автор:

Опубликовано:
11
Ноябрь
2022
Комментарии: нет комментариев
Рубрики: Витебская область Политика


Сёння, 11 лістапада над старшынёй незалежнага прафсаюза «Нафтан» Вольгай Брыцікавай адбыўся чарговы суд. Яе абвінавацілі ў «несанкцыянаваным пікетаванні» (арт. 24.23 КаАП).

Падставай стаў малюнак «Не вайне» на яе старонцы ў фэйсбуку. Але справа ў тым, што Вольга ўжо адбыла арышт за яго некалькі месяцаў таму. Але суддзя Зінаіда Балаболава зноў прызнала Вольгу вінаватай і зноў прысудзіла 15 сутак.

Вольгу Брыцікаву затрымалі 1 лістапада. Яе асудзілі за «распаўсюд экстрэмісцкіх матэрыялаў» на 15 сутак. 8 лістапада яна абвясціла галадоўку.

Увесну Вольга Брыцікава адсядзела 75 сутак. Яе пяць разоў запар арыштоўвалі на 15 сутак па артыкуле 24.23.

Таксама стала вядома пра тое, что Вольга Брыцікава з 8 лістапада 2022 года абвясціла галадоўку ў ІЧУ горада Наваполацка. Яна напісала адпаведную заяву на імя начальніка карнай установы.

У Полацку затрымалі сына Вольгі Брыцікавай, якая адбывае 15 сутак

Метки: , , ,
Комментарии: