Выбары ў Каардынацыйную раду 3-га склікання пройдуць 25-27 траўня
Выбары ў Каардынацыйную раду пачнуцца 25 мая і працягнуцца 3 дні — да 23:59 27 мая. З’явілася інструкцыя, як прагаласаваць на выбарах у Каардынацыйную раду!
Тыя, хто знаходзіцца не ў Беларусі, могуць ужо да пачатку выбараў запампаваць прыладу Belarus ID.
Для Android яна даступная ў Google Play.
Для iOS трэба спачатку запампаваць на тэлефон аплікацыю TestFlight з App Store. Гэты афіцыйны дадатак ад Applе каманда выкарыстала для дадатковай бяспекі, каб пасля працэсу спампоўкі не засталося ніякіх лічбавых слядоў. Затым трэба адчыніць на тэлефоне спасылку і спампаваць аплікацыю Belarus ID для верыфікацыі і галасавання праз TestFlight. Калі спатрэбіцца код усталёўкі, зачыніце TestFlight (выгрузіце з памяці) і зноў націсніце на спасылку запампоўкі Belarus ID.
У мэтах бяспекі праграма схаваная ад пошуку, таму спампаваць яе можна па прамых спасылках.
Тым, хто знаходзіцца ў краінах, якія «сябруюць» з Беларуссю, раяць уключыць VPN.
Для тых, хто знаходзіцца ў Беларусі, у дні выбараў адкрыюць спецыяльную вэб-версію, якой можна будзе скарыстацца, не ўсталёўваючы мабільны дадатак. Ёй змогуць скарыстацца і выбаршчыкі замежжа.
На першым этапе прылада просіць стварыць лічбавы ID — трэба націснуць кнопку «Аформіць» і выконваць інструкцыі. Для гэтага спатрэбіцца беларускі пашпарт (падыдзе нават са скончаным тэрмінам дзеяння) і прылада з камерай — для верыфікацыі карыстальніка.
Выкарыстанне лічбавага ID для выбару спіса будзе даступна ў дні галасавання 25-27 траўня.
Падрабязней можна даведацца з відэаінструкцыі.
Подписывайтесь на нас в: Яндекс, Дзен, Google Новости, Telegram-канал, «секретный» Telegram-чат!
