Выйшаў на волю палітвязень Арцём Касач

Автор:
Опубликовано:
11
Октябрь
2022
Комментарии: нет комментариев
Рубрики: Витебск Политика


Арцём Касач – жыхар Віцебску, асуджаны на 1,5 года «хіміі» за абразлівы каментар «ВКонтакте» пад пастом пра чыноўніка Сяргея Сташэўскага, які прымушаў сябраў выбарчай камісіі падрабляць пратаколы. Яго прызналі вінаватым паводле па арт. 369 Крымінальнага Кодэксу (абраза прадстаўніка ўлады)Тэрмін зняволення ён адбыў поўнасцю. Прычым спачатку яму прысудзілі паўтара года «хатняй хіміі», аднак пасля пратэсту пракурора Віцебскі абласны суд змяніў пакаранне на паўтара гады зняволення ў папраўчай установе адкрытага тыпу (звычайная «хімія»).

Беларуская праваабарончая супольнасць прызнала Арцёма Касача палітвязнем 14 траўня 2021 г. Падчас зняволення ён знаходзіўся ў папраўчай установе адкрытага тыпу № 6 (Кобрынскі раён).

Увогуле за каментары пад пастом пра чыноўніка Сяргея Сташэўскага былі асуджаны больш за дзясятак віцяблянаў, якіх прыцягнулі да крымінальнай адказнасць. Гэтая публікацыя з’явілася ў сацсетцы «ВКонтакте» 12 жніўня 2020 году, на ім відаць, як чыноўнік (на той момант старшыні Кастрычніцкага а райвыканкаму Віцебску) прымушае настаўнікаў з выбарчай камісіі змяняць вынікі выбараў, заклікае фальсіфікаваць іх на карысць Аляксандра Лукашэнкі. Цягам некалькі дзён пост сабраў больш за тысячу лайкаў і 116 рэпостаў. Тых, хто адкаментаваў гэты допіс, пачалі масава затрымліваць увесну 2020-га, прычым асудзілі нават тых, хто напісаў цалкам нейтральныя словы. Прыкладам, віцяблянін Сяргей Ільюшэнка напісаў «як табе не сорамна ў вочы людзям глядзець» і «краіна мусіць ведаць сваіх герояў у твар». За гэта быў асуджаны на два з паловай гады абмежавання волі з накіраваннем ва ўстанову адкрытага тыпу.

Інцыдэнт з прымусам да фальсіфікацыі стаў шырока вядомым. Сам кіраўнік выбарчай камісіі №25 Сяргей Піталенка пацвердзіў, што выніковы пратакол быў перапісаны, і што першапачаткова на ўчастку перамагла Святлана Ціханоўская. Паводле старшыні, новы пратакол падпісалі не ўсе чальцы камісіі, а дырэктарка школы, дзе мясціўся выбарчы ўчастак, у дзень выбараў напісала заяву на звальненне.

Што да Сяргея Сташэўскага, то зафіксаваныя на аўдыё ягоныя словы таксама сталі нагодай для перамены лёсу. На пасадзе старшыні Кастрычніцкага райвыканкаму ён працаваў з 2014г. і пакінуў яе 1 красавіка 2020г. Са снежня таго ж году ён заступіў на новую працу ў якасці намесніка начальніка Рэспубліканскага цэнтру па гідраметэаралогіі, кантролі радыёактыўнага забруджвання і маніторынгу навакольнага асяроддзя.

vitebskspring.org

Сергея Сташевского сняли с должности главы администрации Октябрьского района Витебска

Метки: , , ,
Комментарии: