За «экстрэмізм» улады пакаралі арыштам верхнядзвінскага прадпрымальніка
Суддзя суда Верхнядзвінскага раёна Таццяна Кукліна 11 ліпеня за распаўсюд «экстрэмісцкіх» матэрыялаў у сацыяльных сетках арыштавала на 15 сутак мясцовага прадпрымальніка Вячаслава Дэмбоўскага. Судовае паседжанне прайшло без удзелу «правапарушальніка», хаця ў міліцыі з пратаколам аб адміністрацыйным правапарушэнні ён быў згодны.
У судовым паседжанні высветлілася, што згодна з рапартам інспектара Міёрскага РАУС, падчас маніторынгу інфармацыі сацыяльнай сеткі «Аднакласнікі» ў асабістым профілі Вячаслава меліся спасылкі інтэрнэт-супольнасцяў «STOP LUKA» і «МАЯ КРАІНА БЕЛАРУСЬ», якія ўключаны ўладамі ў рэспубліканскія.
Пасля даследвання ўсіх пісьмовых матэрыялаў, суддзя Кукліна прыйшла да высновы, што віна Дэмбоўскага даказана ў здзяйсненні ім правапарушэння, прадугледжанага ч.2 арт.19.11 КаАП і пастанавіла арыштаваць яго на 15 сутак, з моманту яго фактычнага затрымання.
Подписывайтесь на нас в: Яндекс, Дзен, Google Новости, Telegram-канал, «секретный» Telegram-чат!
