За краты кінулі жонку палітвязня Ігара Лосіка, які адбывае пакаранне ў наваполацкай калоніі
Журналіст Радыё Свабода Ігар Лосік быў затрыманы 25 чэрвеня 2020 г., а ў снежні 2021 г. яго асудзілі паводле ч. 1 арт. 293 Крымінальнага кодэксу («Арганізацыя масавых беспарадкаў») і паводле арт. 130 Крымінальнага кодэксу («Распальванне варожасці ці варажнечы») да 15 гадоў пазбаўлення волі ў калоніі ўзмоцненага рэжыму. Сёлета 18 кастрычніка ў Менску была затрымана ягоная жонка Дар’я. Праз трое сутак яна не выйшла на волю.
Паводле паведамленняў праўладных тэлеграм-каналаў, Дар’ю Лосік абвінавачваюць у садзейнічанні экстрэмісцкай дзейнасці ў выглядзе размовы з тэлеканалам «Белсат» вясной 2022 г. На Дарʼю можа быць заведзеная крымінальная справа паводле арт. 361-4 КК РБ «садзейнічанне экстрэмісцкай дзейнасці», мяркуюць праваабаронцы.
Перад затрыманнем сілавікі правялі ператрус у кватэры, дзе Дар’я Лосік жыла з двухгадовай дачкой Палінай. Дзяўчынку ўзялі да сябе бацькі Дар’і.
Жонка палітзняволенага заўсёды адкрыта падтрымлівала мужа, зносілася з недзяржаўнымі СМІ і неаднаразова запісвала звароты да Лукашэнкі з патрабаваннем вызваліць Ігара Лосіка.
На Игоря Лосика, админа канала «Беларусь головного мозга», завели уголовное дело
Подписывайтесь на нас в: Яндекс, Дзен, Google Новости, Telegram-канал, «секретный» Telegram-чат!