За падпіску на «экстрэмісцкае» СМІ ўлады аштрафавалі выкладчыцу Полацкага дзяржуніверсітэта
Суддзя Наваполацкага суда Зінаіда Балаболава 24 мая за падпіску аштрафавала на 740 рублёў асістэнтку кафедры тэхналогіі і абсталявання перапрацоўкі нафты і газу ПДУ Паліну Путро.
У пратаколе аб адміністрацыйным правапарушэнні значылася, што Путро ў сацыяльнай сетцы «Вконтакте» публічна размясціла матэрыялы інфармацыйнага рэсурсу «МАЯ КРАІНА БЕЛАРУСЬ», якія раней улады ўключылі ў Рэспубліканскі спіс экстрэмісцкіх матэрыялаў.
У судовым паседжанні выкладчыца ВНУ прызнала сваю віну і не настойвала на даследаванні доказаў па справе.
Суддзя Болоболова палічыла, што гэтага дастаткова для таго, каб абвінаваціць маладую жанчыну ў парушэнні патрабаванняў ч.2 арт.19.11 КаАП, аштрафавала яе на суму раўную 20 базавых велічынь і канфіскавала ў даход дзяржавы тэлефонны апарат, які належыў Паліне.
Полацкую «Гонар універсітэта» суд буйна аштрафаваў за распаўсюд «экстрэмізм»
Подписывайтесь на нас в: Яндекс, Дзен, Google Новости, Telegram-канал, «секретный» Telegram-чат!
