За падпіску на «экстрэмісцкі» інфарэсур улады пакаралі аршанца арыштам
Суддзя суду Аршанскага раёна і г. Оршы Святлана Кузьмічонак 30 жніўня за падпіску ў сацыяльнай сетцы на “экстрэмісцкія” рэсурсы арыштавала на 7 сутак жыхара Оршы Аляксея Іванова.
Згодна з пратаколам агляду тэлефона і фотатабліц работнік міліцыі ўстанавіў наяўнасць у сацыяльнай сетцы “Інстаграм” на старонцы Іванова інфармацыйнай прадукцыі з выявай лагатыпа «Simbol.by», якую на той момант прагледзелі 78 чалавек. У 2022 годзе гэтая прадукцыя ўладамі была змешчана ў Рэспубліканскі спіс экстрэмісцкіх матэрыялаў.
У судовым паседжанні Аляксей прызнаўся ў тым, што сапраўды, ён, на сваёй старонцы ў “Інстаграме” захоўваў і распаўсюджваў інфармацыйную прадукцыю, уключаную ў спіс экстрэмісцкіх матэрыялаў. Аднак ужо цягам двух гадоў не карыстаецца гэтай старонкай.
Тым не менш, суддзя Кузьмічонак, на падставе ч.2 арт.19.11 КаАП пастанавіў арыштаваць Іванова тэрмінам на сем сутак.
Пяцёра жыхароў Талачына асуджаны да арыштаў за «экстрэмісцкія» падпіскі
Подписывайтесь на нас в: Яндекс, Дзен, Google Новости, Telegram-канал, «секретный» Telegram-чат!
