За пікет у сацыяльных сетках улады пакаралі вялікім штрафам шматдзетную віцяблянку
Суддзя суда Першамайскага раёна Міхаіл Юрчанка 11 траўня за правядзенне не санкцыянаванага ўладамі пікетавання ў сацыяльных сетках аштрафаваў на 2220 рублёў маці траіх дзяцей Крысціну Буланаву.
Суддзя Юрчанка палічыў устаноўленым, што Крысціна правяла несанкцыянаванае пікетаванне без адпаведнага дазволу адміністрацыі Першамайскага раёна Віцебска. Гэтую ўпэўненасць ён абгрунтаваў тым, што жанчына ва «Укантакце» і «Інстаграм» размясціла і дэманстравала фатаграфіі і відэафайлы з выявай сябе і грамадзян на пратэстных акцыях супраць вынікаў выбараў прэзідэнта краіны, якія прайшлі ў 2020 годзе, а таксама плакатаў і сцяга бел-чырвона-белага колеру. Таму дзеянні «правапарушальніцы» суддзя кваліфікаваў як удзел у недазволеным уладамі пікеце і на падставе ч.1 арт.24.23 КаАП пакараў Буланаву штрафам у памеры 60 базавых велічыняў.
У пераліку палітвязняў – яшчэ двое жыхароў Віцебшчыны: Кацярына Леў і Канстанцін Ступнікаў
Подписывайтесь на нас в: Яндекс, Дзен, Google Новости, Telegram-канал, «секретный» Telegram-чат!
