Журналістку Ціну Палынскую аштрафавалі за жоўтыя і блакітныя стужкі, прычэпленыя да сумкі і фотаапарата
5 чэрвеня ў полацкай кватэры Палынскіх прайшоў ператрус. Непасрэднай прычынай інтарэсу сілавікоў да Ціны Палынскай сталі яе допісы ў Фэйсбуку напярэдадні візіту ў Полацк Патрыярха Кірыла. 6 чэрвеня, падчас сустрэчы палачанаў з кіраўніком Рускай праваслаўнай царквы ў Беларусі, журналістку затрымалі міліцыянты, якія заўважылі ў яе на сумцы і на фотаапараце жоўтыя і блакітныя стужкі.
7-га чэрвеня адбыўся суд, і Ціну Палынскую аштрафавалі за нібыта несанкцыянаванае пікетаванне на 100 базавых велічыняў (3 200 беларускіх рублёў).
Сума штрафу, прыблізна роўная 1000 еўра, стала шокам для ўсёй сям’і. Апрача гэтага, пасля ператрусу з кватэры Палынскіх былі канфіскаваны кампутар і мабільны тэлефон журналісткі, а падчас затрымання на сустрэчы з Патрыярхам Кірылам у Ціны Палынскай забралі фотаапарат. Паводле яе словаў, міліцыянты забралі яго ў кошт пагашэння штрафу, не маючы нікіх сумнёваў адносна менавіта такога судовага рашэння.
Кампутар і тэлефон Ціны Палынскай застаюцца ў СК, змест яе допісаў у сацыяльных сетках на працягу месяца будуць вывучаць эксперты-лінгвісты. Экспертыза павінна зрабіць высновы, ці ёсць у гэтых допісах абразы, паклёп або заклікі да супрацьзаконных дзеянняў.
Калі падазрэнні СК пацвердзяцца, супраць журналісткі распачнуць крымінальную справу.
Праваабаронцы празналі палітвязнем жыхара Віцебскай вобласці
Подписывайтесь на нас в: Яндекс, Дзен, Google Новости, Telegram-канал, «секретный» Telegram-чат!