Жыхары Чашнікаў звярнуліся да мясцовых уладаў з патрабаваннем рамонту дарогі і аварыйнага маста

Автор:
Опубликовано:
7
Июнь
2023
Комментарии: нет комментариев
Рубрики: Витебская область


У Чашніцкі райвыканкам праз рэсурс «Зручны горад» з петыцыяй звярнуліся 34 жыхары рэгіёна з просьбай добраўпарадкавання небяспечнага ўчастка дарогі, які злучае Чашнікі з мікрараёнам Папяровай фабрыкі. На думку грамадзянаў чыноўнікі павінны знайсці грошы, каб дарожныя службы ліквідавалі дэфекты дарожнага пакрыцця і тым самым гарантаваць бяспеку руху транспарту і пешаходаў.

Мясцовыя актывісты лічаць, што ўчастак дарогі ад дома №2 па вул. Гагарына, да будынка школы стварае вялікія цяжкасці для вадзіцеляў транспартных сродкаў, а таксама пешаходаў.

З-за адсутнасці добраўпарадкаванай дарогі з тратуарам, існуюць не толькі нязручнасці, але і яўныя небяспекі для ўсіх удзельнікаў дарожнага руху. Бо сярод пешаходаў шмат людзей сталага веку, таксама дзяцей.

У чым праблема? А ў тым, што дарожнае пакрыццё на гэтым участку дарогі мае недахопы. А менавіта ўся дарога пакрыта выбоінамі, і як следства, на працягу ўсяго кварталу можна назіраць шматлікія лужыны. Тамуперамяшчацца на аўтамабілі па такой дарозе магчыма толькі на самай мінімальнай хуткасці і мажлівай аварыйнасццю.

Таксама занепакоянасць выклікае стан маста, размешчаны па вул. Гагарына, які праходзіць праз рэчку Лукомка. Мост мае прыкметы значнай аварыйнасці, і таксама мае патрэбу ў рамонце.

Складальнікі петыцыі нагадваюць уладам, што згодна з арт.41 і 43 Закона “Аб мясцовым кіраванні і самакіраванні ў Рэспубліцы Беларусь”, выканкамы абавязаны арганізаваць рамонт і ўтрыманне мясцовых дарог і гарантаваць бяспеку дарожнага руху.

viciebskspring.org

Жители Чашниччины просят оборудовать трассу в Новолукомль велодорожкой

Метки: , ,
Комментарии: